„Ég fékk mörg tilboð en skoðaði bara Real Madrid og Chelsea. Carlo Ancelotti hringdi í mig til að segja mér hversu ánægður hann og leikmannahópurinn væru með það að ég væri að koma," segir Rudiger við Marca.

Real Madrid sló Chelsea út úr Meistaradeildinni á síðasta tímabili og fór svo alla leið og vann keppnina. Þá vann liðið einnig Spánarmeistaratitilinn.

Sjálfur vann Rudiger Meistaradeildina með Chelsea 2021.

Hann er 29 ára gamall og hefur spilað 52 landsleiki fyrir Þýskaland. Hann kemur inn með reynslu í varnarlínu Madrídinga.