Kylian Mbappe, leikmaður Paris Saint-Germain og franska landsliðsins, verður áfram andlit FIFA tölvuleiksins þegar ný útgáfa hans verður gefin út seinna á þessu ári.
Mbappe verður andlit FIFA 22, en hann var líka andlit FIFA 21.
Áður en Mbappe fékk giggið, þá voru Eden Hazard og Virgil van Dijk framan á leiknum. Fyrir það voru Cristiano Ronaldo, Marco Reus, Lionel Messi, Wayne Rooney, Kaka og fleiri góðir með starfið.
Mbappe er aðeins 22 ára en hann er einn besti fótboltamaður í heimi - án nokkurs vafa - þótt hann hafi átt erfitt Evrópumót með Frakklandi.
Það eru miklar vangaveltur um framtíð hans, en samningur hans við PSG rennur út á næsta ári. Hann getur farið frítt frá félaginu næsta sumar ef hann endursemur ekki.
Your FIFA 22 cover star is Kylian Mbappe ⭐️ pic.twitter.com/SdvUWO9AJh
— ESPN FC (@ESPNFC) July 9, 2021
Athugasemdir