Krzysztof Piatek hefur farið feykilega vel af stað með AC Milan og skoraði hann aftur í auðveldum 3-0 sigri liðsins gegn Cagliari í kvöld.

Heimamenn í Mílanó voru tveimur mörkum yfir í hálfleik en Lucas Paqueta skoraði annað þeirra. Þetta var fyrsta mark Paqueta fyrir Milan en hann kom einnig til félagsins í janúar, rétt eins og Piatek.

Piatek skoraði svo eina markið í síðari hálfleik og innsiglaði þannig sigurinn.

Milan endurheimti Meistaradeildarsæti með sigrinum og er einu stigi fyrir ofan Roma, Lazio og Atalanta sem unnu öll sína leiki um helgina.