Ítalska félagið AC Milan hefur hafnað 30 milljón evra tilboði Paris Saint-Germain í Ismael Bennacer. Þetta kemur fram á Le10Sport.
Bennacer var valinn besti leikmaður Afríkumótsins á síðasta ári er Alsír vann keppnina áður en hann gekk til liðs við Milan frá Empoli.
Bennacer hefur verið í lykilhlutverki á miðsvæðinu hjá Milan en hann gæti verið á förum.
Samkvæmt Le10Sport þá hafnaði Milan 30 milljón evra tilboði PSG í leikmanninn.
Talið er að Milan vilji að minnsta kosti 40 milljónir evra fyrir þennan 22 ára gamla leikmann.
Athugasemdir