Viðar Ari Jónsson skoraði fyrir lið Sandefjord í dag sem fékk Sarpsborg í heimsókn í norsku úrvalsdeildinni.
Viðar var í byrjunarliði Sandefjord en hann kom boltanum í netið á 32. mínútu í leik sem lauk með 2-0 sigri.
Emil Pálsson var í byrjunarliði Sarpsborg en hann fékk gult spjald í viðureigninni og fór af velli í síðari hálfleik.
Annar Íslendingaslagur fór fram á heimavelli Viking þar sem heimaliðið mætti Stromsgodset.
Samúel Kári Friðjónsson lék með Viking í þessu 1-1 jafntefli og Ari Leifsson var í byrjunarliði Stromsgodset. Ari spilaði allan leikinn en Samúel fór af velli undir lok leiks.
Brynjólfur Darri Willumsson kom þá inná sem varamaður á 86. mínútu er Kristiansund tapaði 1-0 gegn Rosenborg.
Athugasemdir
