Peter Crouch segist vonast til þess að spila fótbolta þangað til hann verði fertugur. Hann segir einnig að hann vonist til þess að fá tækifæri til þess að spila aftur fyrir QPR áður en hann leggur skónna á hilluna.
Þessi 37 ára gamli framherji vakti fyrst athygli eftir að hann gekk til liðs við QPR frá Tottenham. Hann skoraði 12 mörk á einu tímabili með QPR og gekk svo til liðs við Portsmouth.
„Ég hef spilað fyrir nokkuð mörg félög. Ég held að QPR sé eitt af mínum uppáhalds því að þar byrjaði þetta,” segir Crouch.
„Vinir mínir og fjölskylda eru QPR aðdáendur svo félagið er nærri hjarta mínu. Ég hef alltaf sagt að ég muni snúa aftur einn daginn og ég myndi elska að fá tækifæri til þess.”
Crouch er nú á sínu áttunda ári hjá Stoke en þar hefur hann skorað 61 mark í 241 einum leik. Hann er á síðasta ári samnings síns þar.
Hann segist þó vilja halda áfram að spila eins lengi og hann mögulega getur.
Athugasemdir
