Sergi Roberto, leikmaður Barcelona, er búinn að samþykkja það að taka á sig launalækkun á Nou Camp.
Nú á Roberto aðeins eftir að skrifa undir samninginn sjálfan að sögn Joan Laporta, forseta félagsins.
Þessi 29 ára gamli leikmaður fetar í fótspor Gerard Pique, Jordi Alba og Sergio Busquets sem tóku á sig launalækkun til að hjálpa Barcelona.
Roberto hefur allan sinn feril leikið í Barcelona og hefur skorað tvö mörk á þessari leiktíð.
„Þetta er allt að klárast og samkomulag er í höfn. Það þarf bara að skrifa undir," sagði Laporta.
„Það þarf bara að skrifa undir síðustu skjölin. Eins og aðrir fyrirliðar þá hefur Sergi staðið við bakið á liðinu."
Athugasemdir