Stuart Pearce, aðstoðarþjálfari West Ham, hefur gefið í skyn að Jesse Lingard gæti enn samið við félagið í janúar.
West Ham fékk Lingard lánaðan frá Manchester United á síðasta tímabili og reyndi aftur við hann í sumarglugganum.
Lingard varð hins vegar að lokum áfram á Old Trafford þar sem tækifærin verða líklega afar fá á næstu mánuðum.
„Hann missti af tækifærinu að yfirgefa Man Utd í þessum glugga," sagði Pearce við TalkSport.
„Hann getur skoðað stöðuna í janúar og þá ákveðið hvort það sé tækifæri að semja við annað lið. Hann heldur á öllum spilunum."
„Ég tel hann vera alltof góðan leikmann til að sitja á bekknum og hann er á aldri þar sem hann þarf að spila."
Athugasemdir
