Enska úrvalsdeildarfélagið Liverpool bætti ótrúlegt met með 1-0 sigrinum á Tottenham Hotspur í kvöld en liðið er nú með 61 stig af 63 mögulegum eftir 21 umferð.
Roberto Firmino skoraði eina mark leiksins og þar með sjöunda útivallarmark sitt á tímabilinu en Liverpool setti öflugt met með sigrinum.
Liðið hefur nú unnið 20 leiki en ekkert annað lið í fimm stærstu deildunum í Evrópu hefur tekist að vinna 20 leiki af fyrstu 21.
Liverpool er með 16 stiga forystu á Leicester sem er í öðru sæti og þá á Liverpool leik til góða.
Næsti leikur Liverpool er gegn Manchester United á Anfield en United er eina liðið sem hefur tekið stig af Liverpool á tímabilinu.
Athugasemdir