Í spilaranum hér að ofan er hægt að hlusta á brot úr fyrsta þætti.
Á fimmtudaginn fer ný Podcast-þáttaröð í loftið en umsjónarmaður er Gunnlaugur Jónsson, fyrrum fótboltamaður og núverandi þjálfari.
Þættirnir bera nafnið Návígi og þar heimsækir Gulli þekkt nöfn í íslenskum fótbolta.
Þættirnir bera nafnið Návígi og þar heimsækir Gulli þekkt nöfn í íslenskum fótbolta.
Í fyrsta þættinum er hinn sigursæli Heimir Guðjónsson viðmælandi Gulla. Í spilaranum hér að ofan má heyra brot úr þættinum þar sem Heimir segir frá því þegar Guðjón Þórðarson tók við KR þegar hann var sjálfur leikmaður þar.
Podcast verður sífellt vinsælli miðill og er Fótbolti.net með öfluga þætti.
Í Innkastinu er fjallað um Evrópufótboltann, mest þann enska, og yfir sumartímann er sérstök útgáfa af þættinum þar sem Pepsi-deildin og íslenski boltinn eru til umfjöllunar.
Björn Már Ólafsson hefur verið með þætti um ítalska boltann og þá kemur inn efni úr útvarpsþættinum gríðarvinsæla sem Elvar Geir og Tómas Þór fjalla um fótbolta á fjölbreyttan hátt.
Enn eykst flóran á fimmtudag þegar Návígi fer í loftið.
Til að nálgast þættina í Apple tækjum þarf einungis að leita að "Fótbolti.net" í iTunes Podcast, eða sambærilegum forritum s.s Overcast.
Á sama hátt er hægt að nálgast þættina í Android tækjum með því að nota sambærileg forrit, s.s Pocket Casts eða Podcast Addict, og leita að "Fótbolti.net".
Athugasemdir
