„Síðustu tvær vikur hafa látið okkur vera samheldnari sem heild. Ég stóð og horfði á stuðningsmennina eftir síðasta heimaleik og þá sá maður hvernig félag þetta er," sagði Aron Einar Gunnarsson eftir sigur Cardiff á Southampton á laugardag.

Cardiff vann dramatískan sigur í botnbaráttunni en Kenneth Zohore skoraði sigurmarkið á 93. mínútu. Síðustu vikur hafa verið erfiðar hjá Cardiff eftir að Emiliano Sala létst í flugslysi.

„Þetta var tilfinningaríkt í lokin. Það er búið að finna Sala og það var mikilvægast til að fjölskylda hans gæti fengið að syrgja. Vonandi finnst flugmaðurinn líka svo fjölskylda hans getið fengið að syrgja."