„Ég fékk grænt ljós frá sjúkraþjálfara í gær. Ég fer ekki beint í að spila 90 mínútur alveg strax, kannski hálftími eða svo til að byrja með og svo eftir 3-4 leiki gætu þetta orðið 90 mínútur," sagði Hrannar við Fótbolta.net í dag.

Hrannar staðfesti að hann muni snúa til baka í KA þegar sumarglugginn opnar en það er í lok júní.

„Ég horfi á þetta sem frábært tækifæri fyrir mig til að koma mér af stað og í leikform. Í júní eru einungis tveir leikir hjá KA en Völsungur spilar fimm leiki. Því var þetta 'no brainer' fyrir mig," sagði Hrannar.

Jóhann Kristinn Gunnarsson, þjálfari Völsungs, hafði ýjað að því í hlaðvarpsþættinum BÁN í vor að gamall Völsungur væri á leið til félagsins og myndi þar hjálpa bæði sér og félaginu. Sá Völsungur er Hrannar.

Völsungur er í 2. deild og næsti leikur liðsins er heimaleikur gegn Reyni Sandgerði á laugardag.