Lestu um leikinn: Ísland U21 2 -  3 Slóvakía U21

Albert, sem var að spila á sínum gamla heimavelli í Vesturbæ, skoraði bæði mörk Íslands í leiknum. Sigurmark Slóvakíu kom alveg undir lokin og var það markvörður liðsins sem skoraði það eftir hornspyrnu. Vonir U21 landsliðsins að komast í lokakeppni EM urðu að engu eftir þetta tap í dag.

„Mér fannst við ekki halda boltanum nógu vel. Í rauninni varð það okkur að falli að ná ekki að byggja upp nægilega gott spil, sérstaklega í fyrri hálfleiknum."

Undir lok leiksins fékk Ísland fullt af færum áður en Albert jafnaði úr vítaspyrnu þegar uppbótartíminn var nýhafinn. Slóvakía komst fljótlega aftur yfir og tryggði sér sigurinn með, eins og áður segir, marki frá markverði liðsins.

„Hefðum við klárað okkar og færi og ég tala þá ekki um tækifærið sem ég fékk áður en þeir komast í 2-1, þá hefði þessi leikur fallið allt öðruvísi. Því miður þá féll þetta fyrir Slóvakana í kvöld."

Viðtalið er í heild sinni hér að ofan.