Cosimo Inguscio mun stýra Ungverjum gegn Íslandi í leiknum í umspili um sæti á EM annað kvöld. Þetta segja ungverskir fjölmiðlar.
Marco Rossi, þjálfari Ungverja, hefur greinst með kórónuveiruna og verður því fjarri góðu gamni í stórleiknum á morgun.
Cosimo aðstoðarþjálfari mun sjá um að stýra liðinu á morgun en hann var ráðinn í starfið sumarið 2018 þegar Rossi tók við.
Marco Rossi, þjálfari Ungverja, hefur greinst með kórónuveiruna og verður því fjarri góðu gamni í stórleiknum á morgun.
Cosimo aðstoðarþjálfari mun sjá um að stýra liðinu á morgun en hann var ráðinn í starfið sumarið 2018 þegar Rossi tók við.
Hinn 57 ára gamli Cosimo hefur áður stýrt Ungverjum en það gerði hann í Þjóðadeildinni í fyrra í 2-0 sigri á heimavelli gegn Eistlandi.
Rossi var þá í banni eftir að hafa látið dómarann heyra það í leik gegn Grikklandi.
Cosimo verður við stjórnvölinn á morgun en hann hefur áður starfað sem aðstoðarþjálfari hjá Honved í Ungverjalandi og Dunajska Streda í Slóvakíu en það lið vann FH í Evrópudeildinni í sumar.
Giovanni Costantino, sem er í þjálfarateymi Ungverja, greindist með kórónuveiruna fyrir helgi og hann verður einnig fjarri góðu gamni á morgun.
Ungverjar áttu að vera með fréttamannafund fyrir leikinn klukkan 11:00 í dag en þeim fundi hefur nú verið frestað til 19:00 í kvöld.
Athugasemdir