Elías Már, sem hefur verið magnaður með Excelsior á leiktíðinni, var óvænt á bekknum fyrir leik kvöldsins en hann hefur átt erfitt uppdráttar í fremstu víglínu í undanförnum leikjum.

Hann kom inná á 82. mínútu í kvöld í 2-0 sigrinum en Excelsior er nú í 9. sæti með 36 stig, níu stigum frá umspilssæti.

Kristófer Ingi Kristinsson var þá í byrjunarliði hjá unglinga- og varaliði PSV sem tapaði fyrir NEC Nijmegen, 2-0. Hann fór af velli á 66. mínútu en þetta var fyrsti byrjunarliðsleikur hans í deildinni síðan um miðjan janúar.

Hann er með 6 mörk í deildinni fyrir PSV á meðan Elías Már er með 18 mörk.