Stuðningsmenn Liverpool eru væntanlega ekkert sérstaklega sáttir eftir 3-3 jafntefli gegn Watford í ensku úrvalsdeildinni í dag. Enska úrvalsdeildin er farin aftur af stað eftir gott sumarfrí.

Gestirnir frá bítlaborginni hófu leikinn ekki vel. Þeir lentu undir eftir átta mínútur þegar Stefano Okaka skoraði með skalla.

Sadio Mane náði að jafna eftir rétt rúman hálftíma, en Watford komst aftur yfir stuttu síðar. Okaka skoraði aftur.

Staðan var 2-1 í hálfleik, en það tók Liverpool ekki einu sinni stundarfjórðung að jafna leikinn og komast yfir. Roberto Firmino jafnaði úr vítaspyrnu á 55. mínútu og nýi maðurinn, Mohamed Salah kom Liverpool yfir eftir undirbúning Firmino stuttu síðar.

Liverpool virtist vera að landa sigrinum, en þegar komið var fram í uppbótartíma jafnaði Miguel Britos eftir hornspyrnu.

Lokatölur 3-3, en það eru úrslit sem leikmenn Watford eru væntanlega sáttir með. Leikmenn Liverpool ekki eins sáttir.

Það er ekki hægt að segja annað en að enska úrvalsdeildin fari af stað með látum. Í gær vann Arsenal lið Leicester í sjö marka leik og í hádeginu í dag fengum við sex marka leik. Þetta er alvöru byrjun!

Fimm leikir eru að hefjast núna kl. 14:00. Smelltu hér til að sjá byrjunarliðin fyrir þá leiki.

Leikir dagsins:
11:30 Watford - Liverpool (Stöð 2 Sport)
14:00 Chelsea - Burnley (Stöð 2 Sport 2)
14:00 Crystal Palace - Huddersfield Town
14:00 Everton - Stoke City
14:00 Southampton - Swansea City
14:00 West Bromwich Albion - AFC Bournemouth
16:30 Brighton & Hove Albion - Manchester City (Stöð 2 Sport 2)