Cech var ekki skemmt yfir Twitter færslu Leverkusen
Bernd Leno var seldur til Arsenal í sumar.
Petr Cech átti erfitt með að sjá broslegar hliðar á Twitter færslu Bayer Leverkusen eftir leik Arsenal og Manchester City um helgina.
Leverkusen gaf þar sterklega til kynna að Bernd Leno ætti frekar að verja mark Arsenal eftir tapið um helgina.
We might know a guy...
— Bayer 04 Leverkusen (@bayer04_en) August 12, 2018
Chech varði nokkrum sinnum vel en átti klaufalegt augnablik í miðjum leiknum þar sem hann skoraði næstum því sjálfsmark. Cech var allt annað en sáttur við Twitter færsluna og svaraði félaginu fullum hálsi.
Þar sagði Cech að hjá Arsenal væri fagmennska og íþróttamennska í hávegum höfð, hann harmaði að slíkt væri ekki hjá sumum öðrum félögum.
.@Arsenal we share important values which make us a big club not only on the football side . Fair competition, professionalism and sportsmanship are the biggest ones you teach young footballers and it’s sad to see when other clubs don’t share the same values. .@bayer04_en
— Petr Cech (@PetrCech) August 13, 2018
Það verður spennandi að sjá hvort að Leverkusen haldi áfram á sömu braut ef Leno verður áfram á bekknum í næstu leikjum en félagið þykir einkar líflegt á Twitter.
Athugasemdir
