Everton ákvað að kalla Ellis Simms til baka úr láni frá Sunderland eftir að hann skoraði 7 mörk í 17 leikjum í Championship deildinni - oft komandi inn af bekknum.
Simms er því með eitt af bestu markametum Championship deildarinnar ef skoðuð eru mörk miðað við spilaðar mínútur.
Þrátt fyrir að hafa kallað Simms aftur úr láninu virðist Frank Lampard, knattspyrnustjóri Everton, ekki vera með nein áform fyrir sóknarmanninn sem hefur aðeins fengið átta mínútur í þremur leikjum frá heimkomunni. Mínúturnar komu í 1-4 tapi gegn Brighton.
Simms er kallaður aftur úr láni til að aðstoða Everton við markaskorun í fallbaráttunni þar sem liðið er aðeins komið með 14 mörk eftir 18 umferðir og situr í fallsæti með 15 stig.
„Ég er ekki kominn það langt," svaraði Lampard þegar hann var spurður hvort Simms fengi góðan spiltíma með Everton út tímabilið.
„Ég veit að hann er að koma aftur eftir jákvæða dvöl hjá Sunderland. Hann er auka möguleiki fyrir okkur í sóknarleiknum og mun veita sóknarmönnunum samkeppni. Við verðum að bíða og sjá með hvort hann fái að spila."
Ljóst er að hinn 22 ára gamli Simms er fyrir aftan Dominic Calvert-Lewin og Neal Maupay í goggunarröðinni. Þá hefur hinn tvítugi Tom Cannon fengið tækifæri með aðalliðinu og hefur Everton verið orðað við Elye Wahi, sóknarmann Montpellier sem kostar 16 milljónir punda.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 34 | 24 | 5 | 5 | 82 | 26 | +56 | 77 |
| 2 | Man City | 33 | 23 | 7 | 3 | 80 | 32 | +48 | 76 |
| 3 | Liverpool | 34 | 22 | 8 | 4 | 75 | 34 | +41 | 74 |
| 4 | Aston Villa | 34 | 20 | 6 | 8 | 71 | 50 | +21 | 66 |
| 5 | Tottenham | 32 | 18 | 6 | 8 | 65 | 49 | +16 | 60 |
| 6 | Man Utd | 33 | 16 | 5 | 12 | 51 | 50 | +1 | 53 |
| 7 | Newcastle | 33 | 15 | 5 | 13 | 69 | 54 | +15 | 50 |
| 8 | West Ham | 34 | 13 | 9 | 12 | 54 | 63 | -9 | 48 |
| 9 | Chelsea | 32 | 13 | 8 | 11 | 61 | 57 | +4 | 47 |
| 10 | Bournemouth | 34 | 12 | 9 | 13 | 49 | 60 | -11 | 45 |
| 11 | Brighton | 33 | 11 | 11 | 11 | 52 | 54 | -2 | 44 |
| 12 | Wolves | 34 | 12 | 7 | 15 | 46 | 54 | -8 | 43 |
| 13 | Fulham | 34 | 12 | 6 | 16 | 50 | 54 | -4 | 42 |
| 14 | Crystal Palace | 34 | 10 | 9 | 15 | 44 | 56 | -12 | 39 |
| 15 | Brentford | 34 | 9 | 8 | 17 | 52 | 59 | -7 | 35 |
| 16 | Everton | 34 | 11 | 8 | 15 | 36 | 48 | -12 | 33 |
| 17 | Nott. Forest | 34 | 7 | 9 | 18 | 42 | 60 | -18 | 26 |
| 18 | Luton | 34 | 6 | 7 | 21 | 47 | 75 | -28 | 25 |
| 19 | Burnley | 34 | 5 | 8 | 21 | 37 | 69 | -32 | 23 |
| 20 | Sheffield Utd | 34 | 3 | 7 | 24 | 33 | 92 | -59 | 16 |
