Gareth Bale, leikmaður Real Madrid, gæti átt yfir höfði sér allt að tólf leikja bann í spænsku úrvalsdeildinni fyrir fagn sitt í 3-1 sigrinum á Atletico Madrid um helgina.
Bale fagnaði með því að koma með handabendingu fyrir framan stuðningsmenn Atletico Madrid.
Dómarinn skrifaði ekki um atvikið í skýrslu sinni en spænska knattspyrnusambandið ætlar nú að taka málið fyrir.
Bale er sagður hafa ögrað stuðningsmönnum Atletico Madrid með fagninu.
Samkvæmt reglugerðum á Spáni gæti hann fengið á bilinu fjögurra til tólf leikja bann fyrir vikið en atvikið verður tekið fyrir á næstunni.
Athugasemdir