„Það voru margir frábærir leikmenn sem komu til greina og það voru nokkrir frábærir leikmenn sem detta út núna þannig að þetta er alltaf erfitt," sagði Jón Þór Hauksson, landsliðsþjálfari kvenna, eftir að hann tilkynnti hópinn sem fer á æfingamót í Algarve í lok mánaðarins.
Smelltu hér til að sjá Algarve hópinn
Smelltu hér til að sjá Algarve hópinn
Fanndís Friðriksdóttir er ekki í hópnum en hún hefur átt fast sæti í byrjunarliðinu í landsliðinu í áraraðir.
„Fanndís kom með okkur til La Manga í janúar og það hefur verið mikið álag á henni undanfarin ár. Það er okkar von með því að taka hana út núna komi honum ferskari aftur síðar."
23 leikmenn eru í hópnum og Jón Þór reiknar með að allir leikmenn fái einhverjar mínútur í leikjunum þremur í Portúgal.
„Það er stefnan og ég vona að það gangi eftir. Þetta eru þrír leikir á stuttum tíma og við þurfum að nota hópinn vel. Við þurfum að spila á breiddinni og vera undir það búinn að verða fyrir skakkaföllum þegar mótsleikirnir byrja í haust. Þú verður að geta gert breytingar á liði þó að það vanti lykilmenn," sagði Jón Þór.
Hér að ofan má sjá viðtalið við Jón Þór í heild sinni.
Athugasemdir