Mbappe varð 20 ára í desember og er talinn mesta efni knattspyrnuheimsins um þessar mundir. Alnafni hans er átta árum yngri.

„Við höfum ákveðið að leyfa honum að taka þessa ákvörðun algjörlega sjálfur. Við erum hlutlaus í þessu," sagði Eric Mbappe, faðir stráksins.

Mbappe er frá Roissy-en-Brie sem er úthverfi í París. Það vill svo skemmtilega til að Paul Pogba ólst einnig upp þar. Mbappe hefur verið að gera góða hluti og vakti athygli á sér þegar hann skoraði fjögur mörk í tveimur bikarleikjum um síðustu helgi. Hann er sóknarmaður og lítur mikið upp til nafna sins.

„Ég er búinn að venjast því að deila þessu nafni, ég hugsa ekki mikið út í það. Þegar okkur er líkt saman þá líður mér vel, ég er stuðningsmaður PSG og langar að eiga sama feril og hann," sagði yngri Mbappe um þann eldri.