Jose Mourinho, stjóri Manchester United, sló á létta strengi á blaðamannafundi í gær.
Landsleikjahléi er lokið og fer enska úrvalsdeildin aftur af stað í dag. Man Utd mætir Watford í síðasta leik dagsins, klukkan 16:30.
Í landsleikjahléinu kíkti Mourinho á Wembley og sá þar England spila við Spán. Marcus Rashford, Luke Shaw, David de Gea og Jesse Lingard, leikmenn Mourinho hjá United voru að spila í leiknum.
Mourinho kom sér í fréttirnar fyrir það að detta fyrir utan leikvanginn en hann grínaðist með það að fjölmiðlamenn hefðu hringt í sig og beðið hann um að detta svo hægt væri að skrifa um hann.
„Þetta var góð dýfa. Engin vítaspyrna, kannski gult spjald," sagði Mourinho léttur.
Hér að neðan er myndband af því þegar Mourinho datt.
Jose Mourinho explains his Wembley fall:
— ESPN FC (@ESPNFC) September 14, 2018
"People called me and asked me to fall at Wembley because they need news for me. So I did it on purpose. It was a good dive!" pic.twitter.com/A1lColvtFp
Athugasemdir