Það var boðið upp á öflugan og þéttan útvarpsþátt í dag á X977. Elvar Geir og Tómas Þór héldu um stjórnartaumana.

Hitað var upp fyrir bikarúrslitaleik Stjörnunnar og Breiðabliks. Heyrt var í Jóni Þóri Haukssyni og Guðmundi Steinarssyni, aðstoðarþjálfurum liðanna. Þá var Kári Ársælsson, fyrrum fyrirliði Breiðabliks, á línunni og rifjaði upp bikarmeistaratitil Blika frá 2009.

Sævar Pétursson hjá KA var í viðtali en tilkynnt var í fyrradag að Tufa yrði ekki áfram þjálfari liðsins. Einnig var rætt um íslenska landsliðið og fyrstu tvo leiki liðsins í Þjóðadeildinni.

Hægt er að hlusta á þáttinn í heild sinni á Vísi með því að smella hér