U16 ára landsliðs karla mætir Finnlandi í tveimur vináttuleikjum í ágúst og fara báðir leikirnir fram í Finnlandi.
Fyrri leikurinn fer fram 6. ágúst á Pihlajamäki klo í Helsinki og hefst hann klukkan 13:00 að íslenskum tíma. Síðari leikurinn verður leikinn á Myyrmäen jalkapallostadion í Vantaa og hefst hann klukkan 15:00 að íslenskum tíma.
Þetta eru fyrstu leikir U16 karla síðan í ágúst 2019, en Norðurlandamótið karlamegin var fellt niður í sumar ásamt leikjum liðsins árið 2020 vegna COVID-19.
Jörundur Áki Sveinsson tók nýlega við þjálfun liðsins og verða þetta því fyrstu leikir liðsins undir hans stjórn.
Athugasemdir