Átta mörk voru skoruð í tveimur jafnteflisleikjum í þýska boltanum í dag.
Aron Jóhannsson var ekki í leikmannahópi Werder Bremen sem gerði jafntefli við Nürnberg í fyrri leik dagsins.
Aron er frá vegna meiðsla og skoraði Maximilian Eggestein mark Werder í fjarveru hans. Vura jafnaði fyrir Nürnberg í uppbótartíma. Werder er enn taplaust, með fimm stig eftir þrjár umferðir, en þetta er annað stig Nürnberg.
Mikið fjör var í seinni leik dagsins þar sem Freiburg fékk Stuttgart í heimsókn og komst yfir strax á fyrstu mínútu með marki frá Jerome Gondorf.
Emiliano Insua jafnaði rétt fyrir leikhlé og kom Mario Gomez gestunum yfir snemma í síðari hálfleik, þremur mínútum áður en Gondorf jafnaði.
Gomez kom Stuttgart aftur yfir skömmu síðar og héldu gestirnir forystunni þar til á lokakaflanum þegar Freiburg náði að jafna.
Pascal Stenzel fékk tvö gul spjöld á tíu mínútum og var rekinn útaf í liði heimamanna sem þurftu að spila síðustu tíu mínúturnar færri.
Þetta er fyrsta stig beggja liða á tímabilinu.
Werder Bremen 1 - 1 Nürnberg
1-0 M. Eggestein ('26)
1-1 Vura ('92)
Freiburg 3 - 3 Stuttgart
1-0 J. Gondorf ('1)
1-1 E. Insua ('44)
1-2 M. Gomez ('49)
2-2 J. Gondorf ('52)
2-3 M. Gomez ('56)
3-3 G. Waldschmidt ('81)
Rautt spjald: P. Stenzel, Freiburg ('83)
Athugasemdir