Eyjólfur Sverrisson, þjálfari U21 landsliðsins, var eðlilega svekktur eftir 7-2 tap gegn Spánverjum á Floridana-vellinum í Árbænum. Þetta var síðasti leikur Íslands í undankeppninni fyrir EM 2019, en fyrir leikinn var það ljóst að Íslandi væri ekki að fara neitt lengra í þessari undankeppni.
Lestu um leikinn: Ísland U21 2 - 7 Spánn U21
„Það er svekkjandi fyrir strákana að fá á sig sjö mörk, en við vorum að fá besta landslið sem hefur komið til Íslands í heimsókn og flestir leikmenn eru að spila í La Liga," sagði Eyjólfur eftir leikinn.
„Það er aðallega svekkjandi að fyrstu fjögur mörkin voru keimlík. Þetta var bara kennslumyndband um hvernig á ekki að spila varnarleik,"
Hvernig er annars staðan á Eyjólfi, verður hann áfram með U21 landsliðið?
„Hún er bara engin eins og er, það er ekki búið að ræða það neitt hvort ég verði áfram eða ekki en minn hugur er á því."
Viðtalið í heild sinni má sjá í spilaranum hér að ofan.
Athugasemdir
