Ferdinand telur að Hollendingurinn, sem hefur gert góða hluti með Ajax, passi vel inn í starfið á Old Trafford.

„Þegar stjóri kemur í nýtt félag þá er eins og hann þurfi samstundis að sýna af hverju hann er mættur. Antonio Conte er gott dæmi, þegar hann fer í nýtt félag segir hann: 'Þetta er staðan, svona er ég og þetta mun gerast. Ef þú ert ekki með í því þá getur þú farið annað'," segir Ferdinand.

„Sá sem kemur inn þarf að geta stjórnað klefa sem er fullur af egóistum, stórum karakterum og persónuleikum. Ég þekki Ten Hag ekki persónulega en hann er að gera frábæra hluti hjá Ajax. Ajax er alls ekki lítið félag, þetta er stærsta félag Hollands."

Miklar efasemdir hafa verið um hæfni þjálfarateymis Manchester United.

Ten Hag hefur stýrt Ajax síðan í desember 2017 og hefur hann gert liðið að hollenskum meistara í tvígang. Þá kom hann liðinu í undanúrslit Meistaradeildarinnar 2019.