Tindastóll tók á móti Gróttu í æfingaleik á Sauðárkróki í dag. Stólarnir eru nýliðar í Pepsi Max deildinni en Gróttukonur spila í Lengjudeildinni eftir að hafa verið nýliðar í fyrra.

Úrslit dagsins voru óvænt en Grótta fór með 3-1 sigur af hólmi. Bjargey Sigurborg Ólafsson skoraði fyrsta mark leiksins á 32. mínútu eftir laglegt spil Gróttu. Bjargey bætti svo öðru marki við í upphafi seinni hálfleiks eftir frábæra sendingu frá Evu Karen Sigurdórsdóttur.

Eydís Lilja Eysteinsdóttir skoraði þriðja mark Gróttu áður en Hugrún Pálsdóttir minnkaði muninn fyrir Tindastól.

Sigurinn kemur á góðum tíma fyrir Gróttu en stutt er í að Íslandsmótið hefjist á ný og verður baráttan í Lengjudeildinni hörð.