„Shahid Khan tilkynnti okkur í dag að hann hefði ákveðið að draga tilboð sitt til baka. Við virðum hans ákvörðun," segir Martin Glenn, framkvæmdastjóri enska knattspyrnusambandsins.

„Herra Khan trúði því að það yrði samfélaginu til góðs að hann myndi kaupa leikvanginn en á nýlegum fundi sagði hann okkur að tilboð hans væri umdeildara en hann hafði búist við. Hann taldi sig ekki fá nægilegan stuðning frá fótboltasamfélaginu og ákvað því að draga tilboðið til baka."

Landsleikir Englands, bikarúrslitaleikir og fleiri stórir fótboltaleikir hefðu haldið áfram að vera spilaðir á Wembley ef Khan hefði keypt leikvanginn.