Swedberg, sem er 18 ára gamall miðjumaður, er búinn að vekja athygli með frammistöðu sinni hjá Hammarby í Svíþjóð.

Hann er búinn að vera orðaður við mörg stór félög í Evrópu en ætlar að taka næsta skref með Celta.

Celta borgar fyrir hann 4,7 milljónir evra og gerir Swedberg fimm ára samning.

Swedberg skoraði fimm mörk í tíu leikjum með Hammarby í sænsku úrvalsdeildinni á síðasta tímabili. Það verður gaman að sjá hvort hann fái tækifæri í La Liga á næstu leiktíð.