Þór/KA tapaði 4-0 á heimavelli gegn Breiðablik í Bestu deild kvenna í dag. Jón Stefán Jónsson annar þjálfara Þór/KA var svekktur með úrslitin.
Lestu um leikinn: Þór/KA 0 - 4 Breiðablik
„Svekkjandi að vera tapa þessum leikjum svona stórt. Mér fannst við spila vel í fyrri hálfleik, ekki jafn vel í seinni hálfleik. Hvort þetta var 4-0 ég veit það ekki ég er nátturulega alls ekki hlutlaus, mér fannst þetta ekki alveg 4-0 leikur en þær voru klárlega sterkari."
Jón Stefán hefði viljað sjá Þór/KA setja mark í fyrri hálfleiknum.
„VIð vorum nær mönnum og vorum að færa rétt, það sem við þurftum var að fá mark, ef við hefðum náð því inn þá hefði verið fovitnilegt að sjá en það kom ekki og þá fer þetta bara svona."
Nú er Þór/KA komið í hlé á meðan á EM stendur. Félagsskiptaglugginn opnar í júlí og Þór/KA er að leita af styrkingu en varnarleikur liðsins hefur verið brothættur að undanförnu.
„Það er ekkert leyndarmál að við séum að leita af styrkingu. Maður er ekkert óánægður með hópinn hann er bara svolítið þunnur og ungur. Það myndi hjálpa okkur mikið að fá inn 1-2 leikmenn og við reynum það. Ég held að pásan komi á ágætis tíma fyrir okkur,"
„Hjálpa okkur aðeins til baka, fá reynslu. Varnarleikur liðsins þarf að batna. Hann gerði það í dag, á lengri köflum var hann í lagi en þá komu þessi ofboðslegu gæði í ljós og færin voru nýtt,"