Argentínumenn keyrðu fram í sókn og fékk Lautaro Martinez boltann hægra megin. Hann var réttstæður og lét vaða á markið en Hugo Lloris tókst að verja frá honum.

Boltinn datt hins vegar út á Messi sem setti boltann á markið. Dayot Upamecano hljóp inn í markið og sparkaði boltanum í burtu en boltinn var kominn langt yfir línuna og markið því gott og gilt.

Stuttu síðar handlék Gonzalo Montiel boltann í vörninni eftir skot Kylian Mbappe. Vítaspyrna dæmd og var það auðvitað Mbappe sem fór á punktinn og fullkomnaði þrennu sína.