Barcelona og Real Madrid eru komin áfram í 8-liða úrslit spænska konungsbikarsins. Börsunga voru ekki í vandræðum með C-deildarlið Ceuta á meðan Real Madrid þurfti heldur betur að hafa fyrir hlutunum gegn Villarreal.
Fílabeinsstrendingurinn Franck Kessie var stórkostlegur í 5-0 sigri Börsunga. Hann lagði upp fyrstu tvö mörkin fyrir Raphinha og Robert Lewandowski í leiknum og skoraði síðan sjálfur fjórða mark liðsins.
Ansu Fati skoraði stuttu áður en Kessie gerði sitt mark og þá gerði Lewandowski annað mark sitt í leiknum undir lokin.
Real Madrid vann þá 3-2 endurkomusigur á Villarreal en liðið var tveimur mörkum undir í hálfleik. Dani Ceballos kom inná á 56. mínútu og lagði hann upp mark fyrir Vinicius Junior tæpri mínútu síðar.
Eder Militao jafnaði metin er hann hirti frákast í teignum aðeins tólf mínútum síðar áður en Ceballos gerði sigurmarkið fjórum mínútum fyrir leikslok eftir sendingu frá Marco Asensio.
Barcelona og Real Madrid verða því í pottinum er dregið verður í 8-liða úrslit bikarsins á morgun.
Úrslit og markaskorarar:
Ceuta 0 - 5 Barcelona
0-1 Raphinha ('41 )
0-2 Robert Lewandowski ('50 )
0-3 Ansu Fati ('70 )
0-4 Franck Kessie ('77 )
0-5 Robert Lewandowski ('90 )
Villarreal 2 - 3 Real Madrid
1-0 Etienne Capoue ('4 )
2-0 Samuel Chimerenka Chukweze ('42 )
2-1 Vinicius Junior ('57 )
2-2 Eder Militao ('69 )
2-3 Dani Ceballos ('86 )
Athugasemdir