Það hefur ekki farið framhjá lesendum Fótbolta.net að íslenska landsliðið er í Katalóníu að búa sig undir komandi landsleiki. Ísland leikur gegn Andorra á föstudag og svo verður leikið gegn heimsmeisturum Frakklands á mánudag. Um er að ræða fyrstu tvo leikina í undankeppni EM.
Andorra hefur verið að ná þokkalegum úrslitum á heimavelli að undanförnu en liðið er þó í 132. sæti á styrkleikalista FIFA, Til samanburðar er Ísland í 38. sæti.
Andorra hefur verið að ná þokkalegum úrslitum á heimavelli að undanförnu en liðið er þó í 132. sæti á styrkleikalista FIFA, Til samanburðar er Ísland í 38. sæti.
Það yrði klárlega slys að ná ekki þremur stigum á föstudaginn en þess má geta að fimm sinnum hafa Ísland og Andorra mæst í A-landsleik karla.
Ísland hefur unnið alla leikina og samtals er markatalan 14-0.
Síðast lék Ísland gegn Andorra árið 2012, í vináttuleik sem fram fór í Andorra. Jóhann Berg Guðmundsson og Rúnar Már Sigurjónsson skoruðu mörk Íslands í 2-0 sigri en báðir verða þeir með í komand verkefni.
Smelltu hér til að sjá skýrsluna úr leiknum 2012 en auk Jóhanns og Rúnars tóku fjórir aðrir leikmenn sem eru í núverandi hóp þátt í þeim leik.
Svipmyndir frá leiknum 2012:
Úr 3-0 sigri 1999 (Þórður Guðjónsson, Hermann Hreiðarsson og Eiður Smári Guðjohnsen með mörkin):
Athugasemdir