Bakvörðurinn Hörður Árnason hefur ákveðið að hætta í fótbolta.
Hann ætlaði sér að hætta fyrir síðustu leiktíð en tók fram skóna og spilaði með HK í Pepsi Max-deildinni.
Hann ætlaði sér að hætta fyrir síðustu leiktíð en tók fram skóna og spilaði með HK í Pepsi Max-deildinni.
„Hann er bara hættur. Hann var hættur fyrir tímabilið í fyrra en við fengum hann til að koma og taka þátt í mótinu. Hann stóð sig frábærlega eins og alltaf," sagði Brynjar Björn Gunnarsson í samtali við Fótbolta.net í dag.
Hörður hefur starfað sem flugumferðarstjóri og hann hefur talað um það að hann eigi erfitt með að sinna fótboltanum á sama tíma.
Hinn þrítugi Hörður er uppalinn í HK en fór í Stjörnuna árið 2011. Hann sneri aftur í HK 2018 og hjálpaði liðinu að komast upp í Pepsi Max-deildina.
Síðasta sumar spilaði hann 11 leiki í efstu deild og skoraði í þeim tvö mörk.
Sjá einnig:
Brynjar Björn: Held að við séum með sterkari hóp í dag
Athugasemdir