Keflavík er komið í undanúrslit Lengjubikarsins eftir sigur í vítaspyrnukeppni gegn Víkingi R.

Liðin mættust í gríðarlega dramatískri viðureign í Víkinni þar sem heimamenn komust í tveggja marka forystu þökk sé mörkum frá Nikolaj Hansen og Erlingi Agnarssyni.

Joey Gibbs, sem reyndist hetja Keflvíkinga í kvöld, minnkaði muninn fyrir leikhlé en Kristall Máni Ingason tvöfaldaði forystu Víkings aftur í upphafi síðari hálfleiks.

Gestirnir úr Keflavík voru hvergi nærri því að gefast upp og minnkaði Joey muninn aftur þegar stundarfjórðungur var eftir af venjulegum leiktíma. Á lokamínútunum tókst Joey svo að fullkomna þrennuna og jafna fyrir Keflavík.

Leikurinn endaði því með vítaspyrnukeppni þar sem Keflavík hafði betur 3-4. Ingvar Jónsson markvörður Víkings meiddist í vítaspyrnukeppninni og Kári Árnason fór þá í markið.