Á þessum tíma, þegar lítill sem enginn fótbolti er í gangi, þá er fátt skemmtilegra en að rifja upp gamla leiki og gömul mörk.
Enska úrvalsdeildin á Twitter rifjaði í gær upp mark sem Grétar Rafn Steinsson skoraði með Bolton gegn Stoke City árið 2008. Markið er einstaklega glæsilegt.
„Möguleiki á að markvörðurinn verji þetta: 0. Óstöðvandi," er skrifað fyrir ofan markið.
Grétar lék sem hægri bakvörður á ferli sínum. Hann fyrir Bolton frá 2008 til 2012, en hann lék einnig fyrir Young Boys í Sviss, AZ í Hollandi og Kayserispor á Tyrklandi á atvinnumannaferli sínum. Hér heima lék hann fyrir KS, ÍA og auðvitað íslenska landsliðið.
Í dag er Grétar yfirnjósnari Everton í Evrópu, en hér að neðan má sjá glæsilegt mark hans.
Chances of the goalkeeper saving this: 0
— Premier League (@premierleague) April 18, 2020
An unstoppable #GoalOfTheDay pic.twitter.com/FM5cug9yyM
Athugasemdir