„Jafnvel fleiri skref afturábak og þetta eru alveg gríðarleg vonbrigði með frammistöðuna að mæta ekki í þessa leiki á móti liðunum í kringum okkur eins og við erum að mæta í leikina á móti efri liðunum.“Sagði Gunnar Magnús Jónsson þjálfari Keflavíkur um hvort hans lið hafi ekki tekið tvö skref afturábak í tapi gegn KR í Keflavík í dag en lokatölur urðu 3-1 gestunum úr Vesturbæ í vil.
Lestu um leikinn: Keflavík 1 - 3 KR
Keflavíkurliðið var ólíkt sjálfu sér í dag og leikur liðsins alls ekki á pari við það sem þær hafa sýnt oft á tíðum í sumar. Hvað er það sem veldur? Leikskipulag, hugarfar? Einhver hlýtur ástæðan að vera?
„Stórt er spurt og maður er mikið búinn að grafa í þetta eins og fyrir þennan leikl því við höfum lent í þessu áður. Þetta eru þannig lið að við eigum erfiðara með að stýra leikjunum. Það vantaði að færa boltann ná einni tveimur sendingum og færa hann út í vænginn og þar vorum við að skapa hættu en í staðinn vorum við alltof mikið að þröngva okkur upp miðsvæðið.“
Þolinmæði var ekki sterkasta vopn Keflavíkur sem átti þó nokkur skot að marki úr vonlitlum færum langt út á velli.
„Eins og ég sagði við þurftum að færa boltann betur og færa hann út í vænginn í stað þess að taka þessi örvæntingarskot á móti sterkum vindinum. Hefði verið betra með vindinn í bakið en þessi ákvarðanataka og óskynsamlegur leikur hjá okkur sem að gerði það að verkum að við náðum ekki að koma okkur í betri færi. “
Sagði Gunnar en allt viðtalið má sjá hér að ofan.
Athugasemdir