Félögin hafa rætt saman um Lukaku síðustu daga en hans heitasta ósk er að komast aftur til Ítalíu eftir vonbrigðatímabil á Englandi.

Chelsea hafnaði fyrsta tilboði frá Inter en ítalska félagið var þá reiðubúið að greiða 5 milljónir evra fyrir lánsdvölina.

Inter lagði fram nýtt 10 milljón evra tilboð í dag og er aðeins beðið eftir samþykki Steven Zhang, eiganda ítalska félagsins.

Það styttist því í endurkomu Lukaku í Inter en hann eyddi sínum bestu árum hjá félaginu áður en hann gekk aftur í raðir Chelsea á síðasta ári.

Lukaku kom að 80 mörkum á tveimur árum sínum hjá Inter í aðeins 95 leikjum og hjálpaði liðinu að vinna deildina undir stjórn Antonio Conte.