Fulham leiðir víst kapphlaupið um Harry Wilson, kantmann Liverpool. Þetta kemur fram á vefmiðlinum Goal.
Wilson hefur verið í 16 ár hjá Liverpool en aldrei spilað keppnisleik með aðalliðinu. Hann hefur undanfarin ár verið lánaður til ýmissa félaga; Derby, Bournemouth og Cardiff.
Fulham féll úr ensku úrvalsdeildinni á síðustu leiktíð en ætlar sér beinustu leið aftur upp.
Wilson er í æfingabúðum Liverpool í Austurríki en það er ólíklegt að hann muni fá mörg tækifæri með aðalliði Liverpool á næstunni.
Talið er að Liverpool vilji fá um 15 milljónir punda fyrir hinn 24 ára gamla Wilson.
Athugasemdir