Heimild: Þór/KA
Þór/KA hefur krækt í sóknarmanninn Tiffany McCarty frá Breiðabliki. Frá þessu er greint á samfélagsmiðlum Þór/KA og heimasíðu félagsins.
Tifanny er leikreyndur leikmaður sem leikið hefur bæði með Breiðabliki og Selfossi. Hún verður reynslumesti leikmaður Þór/KA á komandi tímabili og mun spila í treyju númer 14.
Tifanny er leikreyndur leikmaður sem leikið hefur bæði með Breiðabliki og Selfossi. Hún verður reynslumesti leikmaður Þór/KA á komandi tímabili og mun spila í treyju númer 14.
Á dögunum var greint frá því að þær Sandra María Jessen og Andrea Mist Pálsdóttir væru báðar komnar heim úr atvinnumennsku og hefðu samið við Þór/KA.
Tiffany er fædd 1990 og hefur leikið alls 48 leiki á Íslandi og skorað í þeim 22 mark. Áður en hún kom til Íslands hafði hún að mestu spilað í heimalandinu, Bandaríkjunum
„Þetta er annað skref í rétta átt fyrir félagið. Við vildum bæta við fleiri mörkum hjá liðinu og Tiffany er leikmaður sem mun án efa skila því til liðsins. Á undanförnum vikum höfum við breyst úr mjög ungum leikmannahópi í það að vera með gott jafnvægi á milli ungra og reyndra leikmanna," segir Perry Mclachlan, annar þjálfari Þór/KA.
„ Hún kemur ekki bara með gæði heldur gífurlega reynslu sem atvinnumaður og mun hjálpa okkur að efla og kenna okkar ungu stelpum," segir Jón Stefán Jónsson, hinn þjálfari liðsins.
Athugasemdir
