Það var mikil taugaspenna í leiknum enda algert lykilatriði fyrir HK að vinna leikinn og komast upp úr fallsæti aftur.

"Við vorum á 110% keyrslu allan leikinn og það reynir á þegar þú nærð ekki að skora mark úr færunum þínum en þá skiptir máli að halda búrinu hreinu, við vitum það alltaf að við skorum. Þetta var frábær frammistaða hjá öllu liðinu, við vissum vel í hvaða stöðu við vorum fyrir leikinn, þetta er ekki búið og nú er fókusinn bara áfram og næsti leikur."

Sá er ekki neitt lítill, nágrannarnir í Breiðablik sem hafa að titli að keppa.

Það verður örugglega rosalegur leikur, báðar stúkurnar fullar og brekkurnar líka, geggjað móment fyrir Kópavoginn að sjá tvö góð lið etja kappi.

Nánar er rætt við Guðmund Þór í viðtalinu sem fylgir.