Eden Hazard, leikmaður Real Madrid, er sterklega að íhuga það að yfirgefa spænska félagið strax í janúarglugganum.
Frá þessu greinir ABC en Hazard hefur lítið sýnt hjá Real síðan hann kom til félagsins frá Chelsea árið 2019.
Meiðsli hafa sett stórt strik í reikning Hazard sem fær nú lítið að spila undir stjórn Carlo Ancelotti og nær ekki að vinna sér inn sæti í byrjunarliðinu.
Síðan Hazard kom til Real árið 2019 hefur hann aðeins tekið þátt í 45 prósent leikja liðsins sem er gríðarlega lág tala. Samtals hefur Hazard skorað og lagt upp 12 mörk.
Talið er að Chelsea gæti íhugað að fá Hazard aftur í sínar raðir en þá aðeins á láni. Lið eins og Juventus og Newcastle eru einnig nefnd til sögunnar.
Hazard var frábær fyrir Chelsea frá 2012 til 2019 en eftir komuna til Spánar hefur meiðslunum fjölgað verulega.
Athugasemdir