Jóntan gerði þrennu í dag gegn Keflavík
Jónatan Ingi Jónsson var að öðrum ólöstuðum maður leiksins þegar FH vann stórsigur á liði Keflavíkur 5-0 í Keflavík fyrr í dag. Jónatan sem endaði leikinn með þrennu og tvær stoðsendingar mætti í viðtal til fréttaritara að leik loknum og var spurður. Er nokkuð hægt að gera betur?
Lestu um leikinn: Keflavík 0 - 5 FH
„Nei eiginlega ekki. Mér fannst ég samt reyndar eiga að geta gert betur í nokkrum stöðum þá sérstaklega í seinni hálfleik þar sem ég hefði getað gefið hann fyrr eða skotið en tvær stoðsendingar og þrjú mörk er bara geggjað. “
FH hefur unnið tvo síðstu leiki sína 5-0 og ljóst að FH vélin er farin að malla. Liðið er þó að öllum líkindum úr leik í toppbaráttu deildarinnar. Hefði ekki verið betra að byrja á þessu fyrr?
„Maður spyr sig. Við skuldum öllum FHingum og sjálfum okkur að sýna að við erum betri en við höfum verið hingað til. Höfum gert það ágætlega í síðustum tveimur leikjum en eigum samt að mínu mati nóg inni,“
Ungir leikmenn hafa verið að fá tækifærið í liði FH að undanförnu í leikjum liðsins og um þá sagði Jónatan sem er þó langt í frá einn af eldri mönnum liðsins.
„Logi Hrafn er búinn að byrja tvo leiki í röð og vera frábær, sáum það í dag og á móti Leikni sem og fleiri. Oliver kemur inn á og skorar og leggur upp. Það eru þvílík gæði í ungu leikmönnunum í Krikanum og verða næstu ár spennandi. “
Sagði Jóntan en allt viðtalið má sjá hér að ofan.
Athugasemdir
