Heitasta slúðrið úr enska boltanum er mætt en það er ýmislegt áhugavert í pakka dagsins.
Kylian Mbappe (22), framherji Paris Saint-Germain og franska landsliðsins, er á lista hjá Manchester United yfir leikmenn sem félagið vill kaupa næsta sumar. (ESPN)
Manchester City hefur samþykkt að leyfa Aymeric Laporte (27) að yfirgefa félagið ef það berst tilboð upp á 60 milljónir punda fyrir spænska landsliðsmanninn. (Daily Mai)
Franski miðjumaðurinn Tanguy Ndombele (24), hefur sagt Tottenham Hotspur að hann sé opinn fyrir því að fara frá félaginu. (Athletic)
Chelsea mun ákveða á næstu dögum hvort það eigi að bæta við öðrum miðjumanni en Saul Niguez (26), leikmaður Atlético Madríd, er möguleiki fyrir enska félagið. (Fabrizio Romano)
Miðvörður er einnig framarlega á lista hjá Thomas Tuchel, knattspyrnustjóra Chelsea. Jules Kounde (22), varnarmaður Sevilla, er efstur á blaði. (Mirror)
Tottenham er að ganga frá kaupum á Pape Mate Sarr (18), senegölskum varnarmanni frá Metz í Frakklandi. (Express)
Enska félagið er þá að skoða portúgalska varnarmanninn Domingos Duarte (26), varnarmann Granada á Spáni. (Express)
Daniel James (23), leikmaður Manchester United, verður ekki lánaður eða seldur frá félaginu í sumar. (Athletic)
West Ham er að skoða það að fá hollenska framherjann Luuk de Jong (30) frá Sevilla. (90min)
Enska félagið er einnig að undirbúa tilboð í Mohamed Bayo (23), framherja Clermont í frönsku deildinni. (Le10Sport)
Leon Goretzka (26), miðjumaður Bayern München, mun framlengja samning sinn við félagið á næstu dögum en hann hefur verið orðaður við Manchester United í allt sumar. (Goal)
Enski varnarmaðurinn Nat Phillips mun að öllum líkindum yfirgefa Liverpool í sumar. Félagið mun ekki samþykkja tilboð undir 15 milljónum punda fyrir þennan 24 ára gamla miðvörð. (Liverpool Echo)
Enska B-deildarfélagið Sheffield United mun fá samkeppni frá Atalanta um að fá Amad Diallo (19) á láni frá Manchester United. (TuttoAtalanta)
Manchester United er í viðræðum við umboðsmann Aurelien Tchouameni (21), miðjumann Mónakó. (Mirror)
Leeds United hefur komist að samomulagi við Noa Lang (22), vængmann Club Brugge í Belgíu. (Voetbal Belgie)
Brandon Williams (20), varnarmaður Manchester United, fór í læknisskoðun hjá Norwich í gær. (Football Insider)
Inter Miami er ákveðið í að hafa betur gegn Newcastle United í baráttunni um brasilíska sóknartengiliðinn Evander (23), en hann er á mála hjá danska úrvalsdeildarfélaginu Midtjylland (Sun)
Athugasemdir