Football365 hefur birt lista yfir tíu leikmenn sem eru í stóru hlutverki hjá sínu liði í ensku úrvalsdeildinni en voru næstum því seldir á liðnu sumri.
10. Shkodran Mustafi (Arsenal) - Lék frábærlega í sigrinum gegn Tottenham um liðna helgi en framtíð hans var í talsverðri óvissu í liðnum sumarglugga.
9. Yohan Cabaye (Crystal Palace) - Hefur átt næst flest skot, átt flestar sendingar og skapað flest færi hjá Palace.
8. Moussa Sissoko (Tottenham) - Marseille, Everton og kínversk félög höfðu áhuga en Sissoko fór ekki. Er ekki lykilmaður í byrjunarliði Spurs en mjög mikilvægur í hópnum.
7. Steven Defour (Burnley) - Var ekki í standi til að spila heilan leik á síðasta tímabili en hefur nú verið lykilmaður í liði sem er jafnt Liverpool og Arsenal að stigum.
6. Riyad Mahrez (Leicester) - Alltaf virðist Mahrez vera á förum en hann er enn í Leicester og hefur verið duglegur í stoðsendingunum á þessu tímabili.
5. Ashley Young (Manchester United) - Verið mjög öflugur í vinstri bakverðinum og er að fá nýjan samning á Old Trafford.
4. Alexis Sanchez (Arsenal) - Sífelldar sögusagnir um framtíð Sílemannsins hafa ekki haft neikvæð áhrif á frammistöðu hans.
3. Fabian Delph (Manchester City) - Meiðsli Benjamin Mendy opnuðu tækifæri fyrir Delph í vinstri bakverðinum. Hann greip gæsina!
2. Oumar Niasse (Everton) - Var algjörlega í frystikistunni. Fékk ekki einu sinni skáp á æfingasvæðinu. Hefur fengið tækifæri á þessu tímabili til að sýna hvað í honum býr.
Athugasemdir