Varnarmaðurinn reyndi Jan Vertonghen hefur gefið í skyn að hann gæti yfirgefið Tottenham í sumar þegar samningur hans við félagið rennur út.
„Ég vil skrifa undir hjá réttu félagi. Það gæti verið Spurs eða annað félag," sagði Vertonghen í viðtali við Play Sports í heimalandi sínu Belgíu.
„Ég vil halda áfram að spila á meðal þeirra bestu í nokkur ár í viðbót og ég vil spila í Evrópukeppni á næsta tímabili."
„Síðan í janúar hafa nokkur félög komið með alvöru samningstilboð."
„Lið í spænsku og ítölsku deildinni eru þar á meðal en ég ætla að halda öllum möguleikum opnum."
Athugasemdir
