Franska stórliðið Lyon hefur unnið Meistaradeildina síðustu fimm árin og sjö sinnum í heildina. Í fyrsta sinn í sex ár verður nýtt nafn á bikarnum.

Það er líka þannig að ekkert af liðunum sem er eftir í keppninni hefur unnið hana áður. Það verður því algjörlega nýtt nafn ritað á bikarinn í maí.

Sara Björk Gunnarsdóttir var hluti af liði Lyon sem varð meistari í fyrra og það er einn Íslendingur eftir í keppninni í ár. Það er hin efnilega Karólína Lea Vilhjálmsdóttir sem leikur með Bayern München, þýska stórveldinu.

Fyrri leikir liðanna fara fram á sunnudag en síðari leikirnir fara svo fram viku síðar.

Undanúrslitin:
PSG - Barcelona
Bayern - Chelsea