David Luiz fór ásamt Tiemoue Bakayoko og Ethan Ampadu í grillveislu hjá fjögurra ára gömlum strák
Enska úrvalsdeildarfélagið Chelsea er í æfingaferð í Ástralíu sem stendur en liðið er að spila gegn Perth Glory í þessum skrifuðu orðum. Þrír leikmenn liðsins mættu í grillveislu hjá fjögurra ára gömlum stuðningsmanni félagsins eftir að hafa boðið þeim í gegnum Instagram.
David Luiz, Tiemoue Bakayoko og Ethan Ampadu mættu allir í grillveislu hjá fjögurra ára gömlum stuðningsmanni. Hann bauð öllum leikmönnum Chelsea í grillveisluna í gegnum samfélagsmiðilinn Instagram og fór það eins og eldur um sinu.
Þegar liðið lenti í Ástralíu var ákveðið að senda þrjá leikmenn í grillveisluna en Luiz, Bakayoko og Ampadu fengu það hlutverk og skemmtu þeir sér konunglega.
Bakayoko og Ampadu gáfu honum merktar treyjur sem voru einnig áritaðar en David Luiz gert gott betur og lofaði stráknum að hann myndi skora gegn Perth Glory og ákvað að búa til fagn með stráknum.
Hægt er að sjá myndband af þessu hér fyrir neðan.
A dream come true. 💙
— Chelsea FC (@ChelseaFC) July 23, 2018
Watch @DavidLuiz_4, @timoeb08 and @ethanamp4 surprise a young Blue at his home in Perth! #CFCinPerth pic.twitter.com/akPdyQiPX4
Athugasemdir
