Landsliðskonan Áslaug Munda Gunnlaugsdóttir hefur leikið sinn síðasta leik fyrir Breiðablik í bili. Hún er á leið í Harvard háskólann í Bandaríkjunum.
Áslaug Munda spilaði með Blikum í 8-1 sigri gegn Gintra í forkeppni Meistaradeildarinnar á laugardag. Hún var mögnuð í leiknum.
Eftir leikinn deildi hún því á samfélagsmiðlum að um væri að ræða síðasta leik hennar í bili með Breiðabliki.
„Kveð uppáhaldsliðið mitt í bili með bestu Blikaknúsunum," skrifaði hún á Instagram en framundan hjá henni er ævintýri í háskólaboltanum í Bandaríkjunum.
Það var sagt frá því í maí að Áslaug Munda og liðsfélagi hennar, Hildur Þóra Hákonardóttir, væru á leið í Harvard, sem er einn virtasti háskóli í heiminum.
Það eru spennandi tímar framundan hjá þeim báðum.
Athugasemdir